Туман ҳокими Дилшоджон Джалилов  ҳудудлардаги ободонлаштириш жараёнлари билан танишиш чоғида “Қори соққий” зиёратгоҳида бўлди. Зиёратгоҳда фуқаролар билан суҳбатлашди ҳамда ободонлаштириш ишларини кўздан кечирди.

     Маълумки, Ўзбекистон Республикаси Президентининг 2025 йил 8 октябрдаги "Алоҳида туман (шаҳар) ва маҳаллаларни аҳолининг яшаши ва тадбиркорлик фаолияти билан шуғулланиши учун намунали ҳудудга айлантириш чора-тадбирлари тўғрисида"ги ПҚ-298-қарорига асосан, республикадаги 33 та шаҳар ва туманларга "Янги Ўзбекистон қиёфасидаги туман (шаҳар)" мақоми берилиб, уларни аҳолининг яшаши ва тадбиркорлик фаолияти билан шуғулланиши учун намунали ҳудудларга айлантирилади. Жумладан Ёзёвон туманига ҳам 100 млрд сўм маблағ ажратилади. Ана шу маблағдан Юқори ва Қорасоқол МФЙга 7.8 млрд сўм ажратилиши белгиланган. Ундан 1.5 млрд  сўми зиёратгоҳ ободлиги учун сарфланиш кўзда тутилган.