Еттинчи чақириқ халқ депутатлари Ёзёвон туман Кенгашининг навбатдаги ўн биринчи сессияси бўлиб ўтди.

Сессияда кун тартибига киритилган масалага алоқадор давлат ва жамоат ташкилотлари раҳбарлари ҳамда ОАВ вакиллари иштирок этишди.

Сессияни туман кенгаши депутати Мусожон Охунов очди ва олиб борди.

Сессия кун тартибидаги “Ўзбекистон Республикаси Президентининг 2024 йил 20 декабрдаги “Ҳудудларда юқори иқтисодий ўсиш ва аҳоли бандлигини таъминлашнинг янги тизимини йўлга қўйиш ҳамда бу борада маҳаллий ҳокимликларнинг роли ва масъулиятини ошириш чора-тадбирлари тўғрисида”ги ПФ-223-сонли Фармон ижроси юзасидан халқ депутатлари Ёзёвон туман Кенгашининг 2025 йил 1 февралдаги қарори билан тасдиқланган дастурнинг чораклар ва жорий йил учун белгиланган айрим мақсадли кўрсаткичларига қўшимча ва ўзгаришлар киритиш юзасидан”, “Жамоатчилик фикри асосида шакллантирилган тадбирларни танлаб олиш ва “Фуқаролар ташаббуси жамғармаси”дан мазкур тадбирларга маблағлар ажратиш тўғрисида” туман иқтисодиёт ва молия бўлими бошлиғи Сайфулло Мирзаев ҳисобот, “Туманда қонунийлик ҳамда жиноятчиликка қарши курашиш ҳолати ва амалга оширилган ишлар тўғрисида” туман прокурори ўринбосари Мансурбек Азимов, “Туманда давлат органлари ва ташкилотларининг норма ижодкорлиги ва ҳуқуқни қўллаш амалиёти ҳолати бўйича киритган ахбороти тўғрисида” туман адлия бўлими бошлиғи Илҳомжон Мадаминов ахборот беришди.

Сессия кун тартибидаги ахборот ва ҳисоботлар юзасидан депутатлар таклиф ва саволлар йўллашди. Тегишли масъуллар батафсил жавоблар қайтаришди.

Кун тартибидаги масалалар юзасидан тегишли қарорлар қабул қилинди.