Farg‘ona viloyat hokimining o‘rinbosari Nuriddin Mamajonov va tuman hokimi Ravshanbek Begmatov ishtirokida fuqarolar bilan to‘g‘ridan to‘g‘ri muloqot qilish, ularni qiynab kelayotgan muammolarni aniqlash va hal etish maqsadida “Begobod” mahallasida sayyor qabul o‘tkazildi.

Sayyor qabulda tuman hokimining o‘rinbosarlari, viloyat va tuman mas’ul tashkilotlari mutasaddilari ham ishtirok etib, fuqarolarning mavjud muammolari va takliflari o‘rganildi.

Qabulda 30 ga yaqin turli masalalar yuzasidan murojaatlar qabul qilindi.

Ayrim fuqarolarga shu yerning o‘zida zarur tavsiyalar berildi. Ijrosi muddat va qo‘shimcha o‘rganish talab qiladigan murojaatlar mas’ullarga yo‘naltirilib, ijrosi nazoratga olindi.