1. Bosh sahifa
2. Yangiliklar

СИФАТСИЗ МАҲСУЛОТ СИФАТЛИСИГА АЛМАШТИРИБ БЕРИЛДИ

×

Баҳор маҳалла фуқаролар йиғинида яшовчи фуқаро Қ. В. Хонобод маҳалла фуқаролар йиғини ҳудудида жойлашган пахта титиш цехи сотувчиси Ж.Анинг ҳатти-харакатидан норози бўлиб, истеъмолчилар ҳуқуқларини ҳимоя қилиш туман жамиятига мурожаат қилади.

Ўрганиш давомида, фуқаро Қ.В “А.С.А” ЯТТ дўконидан 20 кг дан бўлган 8  той пахтани 1 360 000 сўмга сотиб олади. Лекин бу пахталар нам жойда турганлиги сабаб, заҳ хидли бўлиб, сифати бузилганлиги маълум бўлади. Фуқаро тадбиркорга пахтани сифатлисига алмаштириб беришини айтганда, тадбиркор буни рад этади.

Ушбу мурожаат жамият ходимлари ҳамда тадбиркор билан муҳокама этилиб, “Истеъмолчилар ҳуқуқларини ҳимоя қилиш тўғрисида”ги ва “Жисмоний ва юридик шахсларнинг мурожаатлари тўғрсида”ги қонунлари тушунтирилди. Бунда сотувчи ва харидорнинг ҳуқуқ ва мажбурятлари тўғрисида тушунтиришлар берилди.

Тадбиркор тушунтиришлардан сўнг, истеъмолчига олган пахталари ўрнига сифатлисини алмаштириб берди. Тарафлар бу ҳаракатлардан қониқиш ҳосил қилишди. Фуқаронинг қилган мурожаати ижобий ҳал этилганидан жамият ходимларига миннатдорчилик билдирди.

Шавкатжон САИДОВ,

туман жамияти мутахассиси.