1. Главная страница
2. Новости

БАРАКА ШУКРОНАЛИКДА

×

Пандемия даврида эҳтиёжманд, боқувчисини йўқотган, ногирони бор хонадонлар ҳар томонлама қўллаб-қувватланиб келиняпти. Бугундан бошлаб, “Темир дафтар”даги хонадонларга озиқ-овқат маҳсулотлари тарқатиляпти. Сектор раҳбарлари хонадонларда бўлиб, суҳбатлар ўтказишяпти.

Туман ҳокими, 1-сектор раҳбари Й.Бойигитов Қатортол МФЙдаги хонадонларда бўлди.

Жаҳонгир Азимов:

– Бизни пандемия даврида ёлғизлатиб қўйишмади. Президентимизга раҳмат! Гап озиқ-овқатда ҳам эмас, кўнгилда экан. Ҳаракат қилиб сигир-бузоқли бўлдик. Қизим Гулжахон стол тенниси билан шуғулланиб, мусобақаларда чемпион бўлди. Янги йилни яхши кутиб оляпмиз.

Маҳалладаги Алишер Саидов хонадонида бўлганимизда янги газ плита, кир ювиш машинасига кўзимиз тушди.

– Ёрдамлар учун раҳмат. Бундан буён ўзимиз ҳам астойдил бўламиз.

Ҳа, барака шукроналикда эканлигини бу хонадаонлар мисолида кўрдик.

Ҳудди шунингдек, 2-сектор ҳудуди Баҳор МФЙда ҳам сектор раҳбари А.Ахунов, МФЙ раиси билан биргаликда ногиронлиги бор эҳтиёжманд оилаларни йўқлашди.

Бу берилаётган эътибордан миннатдор бўлган инсонлар дуолар қилиб, Юртбошимизга, туман раҳбарларига ўз тилакларини билдиришди.

Саховат тадбирлари қолган секторларда ҳам маҳалла ва оилани кўллаб-қувватлаш бўлими ҳамкорлигида давом этмоқда.

ЁЗЁВОН ТУМАНИ ҲОКИМЛИГИ АХБОРОТ ХИЗМАТИ