Appeals of legal entities and individuals received through the website
Total appeal: 38Statistics phone helpline
ТИНЧЛИГИМИЗ ПОСБОНЛАРИ
2019-10-29 10:34:36 1138
Бугун ички ишлар органлари ходимлари куни. Бу кун, тинчлигимиз, осойишталигимиз учун туну кун хизмат қилаётган фидоий кишилар билан бирга барчамизнинг байрамимиз.
Ёзёвонда ички ишлар органлари ходимлари байрами бу сафар ўзгача нишонланди. Мусиқа ва санъат мактабида тинчлик посбонлари ва фахрийларни жажжи ўғил-қизларимиз гулдасталар билан кутиб олдилар.
Ҳар бир соҳанинг ҳам ўз тарихи бор, жумладан посбонларнинг ҳам. Мустақиллигимизнинг дастлабки алғов-далғовли йилларида Ёзёвон туман ИИБ бошқарган раҳматли Тариэл Маҳмудов, Раҳматжон Мирзаев ва бошқа кўплаб ходимларни ҳар қанча хотирласак, эъзозласак арзийди.
Туман ҳокими Й.Бойигитов ички ишлар органлари ходимлари касб байрамлари билан қутлаб, осойишталигимиз йўлида олиб бораётган ишларида мувафаққиятлар тилади. Бу соҳанинг фидойиларига байрам совғалари топширилди.
Байрам тантаналарида ҳоким ўринбосарлари, секторлар раҳбарлари, ХТБ, МТТ мудирлари, ёшлар иттифоқи ва бошқа жамоат ташкилотлар раҳбар-ходимлари иштирок этдилар.
Мактаблар ва мактабгача таълим ташкилотларининг ёш санъаткорлари концерт дастури намойиш қилдилар.
Ёзёвон тумани ҳокимлиги матбуот хизмати
