Appeals of legal entities and individuals received through the website
Total appeal: 38Statistics phone helpline
ЭНГ ЧИРОЙЛИ НУТҚ СОҲИБЛАРИ АНИҚЛАНДИ
.jpg)
2020-12-26 11:24:14 657
Тасдиқланган режа асосида Ўзбекистон Республикаси Президентининг 2019 йил 21 октябрдаги ПФ-5850-сонли фармони ижроси юзасидан туман ҳокимлиги томонидан 2020 йил 25 декабрь куни 28-сонли Болалар мусиқа ва санъат мактабида умумтаълим мактабларининг она тили ва адабиёт фани ўқитувчилари ўртасида “Энг чиройли нутқ эгаси” кўрик-танлови ўтказилди. Танловга вилоят ҳокимининг маслаҳатчиси С.Тонготарова ва Фарғона шаҳар ҳокимининг маслаҳатчиси Ф.Мамажоновлар ташриф буюриб, танлов иштирокчиларини табрикладилар.
Тадбир маданият бўлими ходимлари ижросидаги куй-қўшиқларга бой ва дўстона тортишувлар билан ўтди. Кўрик-танловда 28-мактабнинг она тили ва адабиёт фани ўқитувчиси Дилшоджон Масобиров 1-ўринни, 16-мактаб ўқитувчиси Моҳидилхон Низомова 2-ўринни ва 3-ўринни 7-мактабнинг ўқитувчиси Мадинахон Эргашевалар эгалладилар. Тадбир якунида барча фаол иштирок этган ўқитувчиларга миннатдорчилик билдирилди ва ғолибларга туман ҳокимининг эсдалик совғалари топширилди.
