Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
ЁРДАМ ПУЛЛАРИ ЭГАЛАРИГА ЕТКАЗИБ БЕРИЛЯПТИ
2020-09-17 11:01:32 649
Туманимизда Ўзбекистон Республикаси Президентининг 2020 йил 30 июлдаги “Коронавирус пандемияси даврида ижтимоий ҳимояга ва ёрдамга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғрисида”ги ПФ–6038-сон Фармонига мувофиқ кам таъминланган ва ҳимояга муҳтож одамларга кенг кўламли ижтимоий ёрдам пуллари тарқатилмоқда.
Ёзёвон тумани бўйича 3 минг 284 та оилага 1 млрд. 642 миллион сўм бир марталик ёрдам пуллари тарқатиш кўзда тутилган. Бу 1-секторда 720 оилага 360 млн, 2-секторда 523 оилага 261 млн. 500 минг, 3-секторда 879 оилага 439 млн. 500 минг, 4-секторда 1162 оилага 581 млн. сўм пул тарқатилади.
Сектор раҳбарлари, маҳалла ва оилани қўллаб-қувватлаш бўлими бошлиғи, “Агробанк” Ёзёвон филиали бошқарувчиси томонидан тасдиқланган жадвалга асосан бир марталик моддий ёрдам пул маблағлари 2020 йил 15 сентябрь кунидан бошланиб, 18 сентябрь куни якунланади.
Халқимизнинг тарихий ва маънавий қадриятларини намоён этган «Саховат ва кўмак» умумхалқ ҳаракатини давом эттириш ҳамда моддий ёрдам ва кўмакка муҳтож оилаларнинг болаларини қишки кийим-бош тўпламлари, мактаб формаси ва ўқув қуроллари билан таъминлаш мақсадида бир марталик моддий ёрдам пуллари моддий ёрдам ва кўмакка муҳтож оилаларнинг рўйхатларига (“темир дафтар”) киритилган оилаларнинг 16 ёшга тўлмаган болаларига берилмоқда.
