1. Bosh sahifa
2. Yangiliklar

ҲОСИЛ ПОЙДЕВОРИ

×

Бободеҳқонлар  ,, Ер ҳайдасанг куз ҳайда, куз ҳайдамасанг, юз ҳайда", деб бежиз айтишмаган. Бу гапнинг тагида катта маъно бор. Туманимизда 6983 гектар майдондаги кузги шудгорни вақтида, сифатли  тугаллаш учун 10 та  отряд ташкилланган. Шудгор отрядларига 23 та серунум ҳайдов тракторлари бириктирилган. 
     Вилоят ҳокими Хайрулло Бозоров вилоят секторлари раҳбарлари билан Ёзёвон туманида кузги ҳайдовга тайёрланган техникаларни кўздан кечириб, ҳайдов отрядлари аъзолари учун яратилган шароитлар билан танишди. Вилоят раҳбари серунум ҳайдов тракторлари омочларидаги мавжуд камчиликларни кўрсатиб, мавсум олдидан уларни бартараф этган ҳолда ишга тушириш топшириғини берди. Вилоят ҳокими отрядларга бириктирилган 10 та вагондаги шароитлар-иссиқ овқат учун заҳира, иситиш тизимлари, дам олиш жойларини бошқа туманларга намуна қилиб кўрсатишни топширди.           Вилоят ҳокими шудгорлаш отрядлари раҳбарлари, ҳайдов тракторлари операторлари билан суҳбатлашди.     --Келгуси ҳосилининг мўл ва баракали бўлишида кузги шудгорнинг алоҳида ўрни бор,-деди Хайрулло Бозоров.--Шунинг учун ҳам шудгорни ҳосил пойдевори дейилади. Пойдеворнинг қанчалик мустаҳкам бўлиши сизларга боғлиқ. Шунинг учун бу ишни муҳаббат билан виждонан амалга ошириш керак. 
      Ҳайдов тракторлари операторларига 3 млн сўмдан иш ҳақи тарқатилди. Мавсумни бешикаст ўтказиш, келгуси йил ҳосилини мўл-кўл бўлишини тилаб, дуолар қилинди.