1. Bosh sahifa
2. Yangiliklar

“OBOD XONADON”, “OBOD KO’CHA” VA “OBOD MAHALLA” MEZONLARI ASOSIDA

×

TEGIRMONBOShI MAHALASI TUBDAN O’ZGARADI

Davlatimiz rahbarining “Respublika hududlarini toifalarga ajratish va tadbirkorlikni qo’llab-quvvatlashning tabaqalashtirilgan tizimini joriy etish chora-tadbirlari to’g’risida”gi farmoni bilan Respublikamiz shahar va tumanlari 5 ta toifaga ajratildi.

Viloyatimizda Yozyovon hamda So’x tumanlari 5-toifaga kiritilgan.

Prezident farmoni ijrosini ta'minlash maqsadida hududlarda 4-, 5-toifaga kiritilgan tumanlardagi qizil toifadagi mahallalar orasidan 1 tadan mahalla tanlab olinib, infratuzilmasini tubdan o’zgartirish, obod va ko’rkam mahallaga aylantirish bo’yicha amaliy ishlar boshlab yuborildi.

Viloyatimiz bo’yicha tumanimizdagi Tegirmonboshi MFY tanlab olinib, dastlabki ishlar boshlab yuborildi.

Tegirmonboshi MFYda Respublika ishchi guruhi vakillari ishtirokida seminar tashkillandi. Mas'ullar mahallada amalga oshirilishi kerak bo’lgan ishlar haqida gapirib, yig’ilganlarga tushuchalar berib o’tdi.

–Tegirmonboshi mahallasining barcha xonadonlariga kirib borib, ularni qiynayotgan muammo va kamchiliklarini aniqlaymiz, – deydi tuman hokimining o’rinbosari D.Bekmirzayev. – Aniqlangan kamchiliklarni bartaraf etish choralarini ko’ramiz. Mahallani mezonlarda belgilangan “Obod xonadon”, “Obod ko’cha” va “Obod mahalla”ga aylantiramiz.

Seminardan so’ng, ishchi guruh a'zolari hamda tumandan biriktirilgan vakillar mahalla ko’chalarini xonadonma-xonadon yurib xatlovdan o’tkazishni boshlab yubordilar. Aniqlangan muammo va kamchiliklarni bartaraf etish maqsadida shtab tuzilib, ish faoliyatini boshladi.

Tegirmonboshi MFY ulkan ijobiy o’zgarishlar bo’sag’asida. Mahallada amalga oshirilayotgan ishlarni doimo e'tiboringizga havola etib boramiz.

YoZYoVON TUMANI HOKIMLIGI AXBOROT XIZMATI

Bizni ijtimoiy tarmoqlarda kuzating
Facebook, Telegram, Twitte, YouTube, Instagram