1. Bosh sahifa
2. Yangiliklar

БЕҒУБОР БОЛАЛИК

×

Халқаро болаларни ҳимоя қилиш тадбири туманимизда бу сафар ноанъанавий бошланди. Яъни барча давлат мактабгача таълим ташкилотларининг ёш спортчилари ўртасида велемарафон мусобақаси ўтказилди. Ёш велемарафончилар финиши туман ҳокимлиги бўлди. Финишда мусобақа иштирокчиларини байрам билан табрикланди. Туман ҳокимлиги, мактабгача ва мактаб таълими бўлими, кенг жамоатчилик вакиллари иштирокида ёш велемарафончиларга совғалар топширилди. 
    Марказий истироҳат боғида кичкинтойлар ўз дастурлари билан байрамни қизитишди. Байрамнинг кульминацион нуқтаси музқаймоқ сайли бўлди. Саҳоватли тадбиркорларимизнинг совғалари-музқаймоқ боғдаги барча болаларга тарқатилди. 
    Куйлар қўшиғу рақсларга уланди. Аттракционлар эгаларининг қўли-қўлига тегмади. Боғ беғубор болаликнинг шўх-шодон кулгусию қийқириқлари билан тўлди.
   Болалажонлар маза қилишди.
     Ёзёвон тумани ҳокимлиги ахборот хизмати.