1. Bosh sahifa
2. Yangiliklar

ТУРДАЛИ ТЎРАҚУЛОВ ХОТИРАСИГА БАҒИШЛАНДИ

×

9 май –  Хотира ва қадрлаш куни муносабати билан 14-мактабда раҳматли Турдали Тўрақулов устоз хотирасига бағишланган адабий-бадиий кеча ташкил этилди. Тадбирга 14-мактабда меҳнат қилиб, ҳозирда кексалик гаштини сураётган фахрий устозлар ҳамда Тўрақулов оила аъзолари, ММТБдан меҳмонлар ташриф буюришди.  
 Устоз билан узоқ йиллар биргаликда фаолият юритган фахрийлар хотираларини ўртоқлашдилар.  Жамоадаги шогирдлар ҳам дил сўзларини йўллашди.
Таълим даргоҳида ишлаб, бу ёруғ оламдан кўз юмган таълим фидойилари хотирланди.
Жамоадаги устозларнинг барчаси тадбирга ўзларининг муносиб ҳиссаларини қўшишди. 
 Ўқувчи ва ўқитувчиларнинг чиқишлари барчага манзур бўлди. 
  Тадбирдан сўнг мактаб ўқувчилари иштирокида Хотира турнири спорт мусобақалари ўтказилди. Шундан сўнг фахрийлар бир пиёла чой устида ўтганларни хотирлашди.
Маълумот ўрнида раҳматли  Т.Тўрақулов 1963 йил 1 январда Хонобод қишлоғида таваллуд топган. 1980 йилда ўрта мактабни, сўнг ҚДПИини тамомлаб, меҳнат фаолиятини 12-мактабда бошлайди. Аввал ўқитувчи, директор ўринбосари, директор, туман ҳокимининг ўринбосари лавозимларида самарали меҳнат қилиб, 1997 йилдан  то умрининг сўнгигача 14-мактабда директор лавозимида ишлади. Бир неча чақириқ туман  кенгаши депутатлигига сайланган. Спорт фидойиси бўлган Турдали Тўрақулов курашни ривожланишига, Хонободдан мамлакат, Осиё,  жаҳон чемпионлари чиқишида катта ҳисса қўшган. 
ЁЗЁВОН ТУМАНИ ҲОКИМЛИГИ АХБОРОТ ХИЗМАТИ