Shrift o'lchami Rang Rasm

<< Iyul 2022 >>
DUSECHPAJUSHYA
    123
45678910
11121314151617
18192021222324
25262728293031

Yangiliklarga obuna bo'lish


Hozir saytda 16 nafar foydalanuvchi Ishonch telefoni statistikasi


ҒАЛВИР СУВДАН КЎТАРИЛМОҚДА

×

 2022-06-10 11:20:03    32

PDF yuklash
Chop etish


Хабарингиз бор Президентимизнинг ташаббуслари билан барча МФЙларда ёшлар етакчилари лавозими жорий этилиб, иш олиб боришмоқда.
Ёзёвон тумани ҳокими Дилшоджон Джалилов, сектор раҳбарлари, ДХХ вилоят бошқармаси бўлими бошлиғи, Ёшлар ишлари агентлиги вилоят бошқармаси бошлиғи МФЙ ёшлар етакчилари билан очиқ мулоқот ўтказдилар.
Учрашувда қатнашиб, ғалвирни сувдан кўтарадиган паллага келганига гувоҳ бўлдик.
Масъуллар иштирокида барча МФЙларда ёшлар етакчилари томонидан амалга оширилган ишлар таҳлил қилиниб, олиб борган ишларига баҳо берилди.
Ишчи гуруҳ томонидан ўрганилганда Янгибўстон, Гулистон, Сойбўйи, Ёзёвон, Гузарбоши, Баҳор МФЙ етакчилари фаолияти қониқарсиз, деб топилди. Туман ҳокими ўринбосари М.Хатамов, Агентлик туман бўлими бошлиғи У.Деҳқоновга икки ҳафта муддатда камчиликларни бартараф этмаган етакчиларни вазифасидан озод этиш таклифини вилоят комиссиясига тақдим этишлари сўралди.
Ёшлар ишлари агентлиги туман бўлими бошлиғи У.Деҳқонов ҳамда ходимлари Д.Ўринбойзода, Р.Олимовнинг  вазифаларига совуққонлик билан ёндошганликлари учун юқоридаги ҳолат юзага келганлигини Агентлик вилоят бошқармаси бошлиғи таъкидлаб, икки ҳафта муддатда камчиликлар бартараф этилмаса, Меҳнат кодекси бўйича интизомий чора белгиланишини айтди.
Ёшлар билан ишлашда ишларни тўғри ташкиллаган Қорасоқол, Қорасой, Ёшлик, Хонобод, Марказий Фарғона маҳаллалари етакчилари фаолияти намунали, деб топилганлиги таҳсинга лойиқ.
Шунингдек, учрашувда мутасаддилар томонидан ишларни самарали ташкиллаш борасида бир қатор вазифалар белгилаб берилди.

Ёзёвон тумани ҳокимлиги ахборот хизмати.