1. Bosh sahifa
2. Yangiliklar

YOSHLAR SEKTOR RAHBARINING NAZORATIDA

×

KO’RSATILAYoTGAN E'TIBORDAN MAMNUN BO’LDILAR

Mamlakatimizda yoshlar bilan ishlash, ularni qiynayotgan muammolarini atroflicha o’rganish va amaliy ko’mak berish, kelajakda o’z orzu-istaklarini ro’yobga chiqarish va yurt ravnaqiga hissa qo’shadigan barkamol inson bo’lib tarbiyalanishlarida bir qancha ishlar amalga oshirilib kelinmoqda.

Yoshlar bilan ishlashda viloyat sektor rahbarlarining joylarda bo’lib, ularning muammolarini o’rganib, amaliy ko’mak berayotganliklarini turli ijtimoiy tarmoqlar va OAVda guvohi bo’lyapmiz.

Xususan, viloyat prokurori Baxtiyorjon Ismoilovga to’g’ridan-to’g’ri biriktirilgan Soybo’yi MFYda yashovchi Nargizaxon Abdurahmonova hamda Dilshod Abdullajonov xonadoniga tuman prokurori Ilhomjon Xodjayev mas'ullar bilan tashrif buyurib, sog’lik uchun kerakli dori-darmonlar va ularga yo’llangan maktubni topshirdi.

Tuman prokurori tashrifi davomida yoshlar bilan samimiy, do’stona muloqot qildi. Nargizaxonni sog’ligida muammosi borligi sababli, kerakli dori-darmonlar topshirildi. Tegishli mas'ullarga uning sog’ligini muntazam ravishda nazorat qilib borish kerakligi aytildi.

Dilshod Farg’ona shahridagi O’zbekiston Koreya Xalqaro universiteti (KIUF)da bitiruvchi kursga o’tmoqda. Koreys tilida gaplasha oladi. U tuman prokurori bilan suhbat davomida ishlash istagini bildirdi. Prokuror tumanimizda tashkillangan “POSCO International textile” MChJ mas'ullariga tavsiyasini berdi. Dilshod unga ko’rsatilgan g’amxo’rlikdan mamnun ekanligini bildirib, barcha rahbarlarga o’zining minnatdorchiligini bildirdi.

YoZYoVON TUMANI HOKIMLIGI AXBOROT XIZMATI

Bizni ijtimoiy tarmoqlarda kuzating
Facebook, Telegram, Twitte, YouTube, Instagram