1. Bosh sahifa
2. Yangiliklar

YOZYOVONDA G’O’ZA GULLADI

×

   Joriy yilda yozyovonlik fermerlar 4900 gektar maydonga chigit ekib, 18 ming 400 tonna paxta topshirish bo’yicha shartnoma imzolashgan. Yozyovonda o’z ishining ustasi, iqtisodiy baquvvat fermer xo’jaliklari istagancha topiladi. 

 ,, Far. Zulfiqor" fermer xo’jaligi ulardan biri. Qoratepa MMTP hududidagi bu xo’jalikda 125 gektar maydonda yangi S-6575 g’o’za navi, 60 gektar maydonda ko’paytirish (liniya) uchun ekilgan bug’doy parvarishlanyapti. 10 ta texnikasi bor. Ulardan uchtasi chopiq traktorlari. Dala shiyponiga 5 kVli quyosh paneli o’rnatilgan.  35 gektar maydonga tomchilatib sug’orishni o’z mablag’lari hisobidan quryapti.

   -- Bu yil paxtalarimiz ertangi,-deydi fermer Kibor Yoqubov.--O’tgan yili g’o’za 10 iyunda gul ko’rsatgandi. Bu yil 1 iyundan gulga kirdi.

   Viloyat hokimi Xayrullo Bozorov tuman sektor rahbarlari bilan birga mazkur fermer xo’jaligida bo’lib, g’o’za parvarishi jarayonlari bilan tanishdi. Fermer bilan suhbatlashdi.

  90 sxemada ekilgan g’o’za qator oralariga gektariga 400 kilogrammdan karbamid mineral o’g’iti solinib, birinchi suv qo’yilyapti.

  -Bundan buyongi asosiy masala hosilni hashoratga oldirmaslik,-dedi viloyat hokimi.--Har o’n kunda profilaktika qilish kerak.

    Viloyat rahbari fermer ishlariga omad tiladi.

    Xayrullo Bozorov tumanimizda bo’lgan chog’ida yangi ishga tushirilgan ,, Savatcha market" faoliyati hamda jom'e masjid qurilish jarayonlari bilan tanishdi.

  Yozyovon tumani hokimligi axborot xizmati.

Bizni ijtimoiy tarmoqlarda kuzating
Facebook, Telegram, Twitte, YouTube, Instagram