1. Bosh sahifa
2. Yangiliklar

15 октябрь-- Халқаро қишлоқ аёллари куни

×

ТИКУВ МАШИНАЛАРИ ТОПШИРИЛДИ     

   Хонобод МФЙдаги Яшил жамоат паркида15 октябрь-Халқаро қишлоқ аёллари куни олдидан  "Аёллар дафтари"га киритилган 37 нафар хотин-қизларга тикув машинаси берилди.       

Тадбирда туман ҳокими Дилшоджон Джалилов сўз олиб,    --Тикув машинасига эга бўлган хотин-қизларимиз келажакда чеварчилик фаолияти билан шуғулланиб, табиркорликларини йўлга қўйиб олишларига ишонамиз,-деди.   

Вилоят ҳокими ўринбосари, оила ва хотин-қизлар бошқармаси бошлиғи Комила Кавлонова  давлатимиз томонидан  хотин-қизларга кўрсатилаётган эътибор ҳақида гапирди ва уларнинг келгусидаги ишларига омад тилади. 

  -Уч нафар фарзандим бор, уйда улар тарбияси билан шуғулланаман. Чеварчилик ҳунаримни энди бемалол ривожлантирсам бўлади,-дейди хонободлик Зарифа Маматалиева.    Хайрли тадбирда ҳоким ўринбосарлари, сектор раҳбарлари,  кенг жамоатчилик вакиллари иштирок этдилар. 

Ёзёвон тумани ҳокимлиги ахборот хизмати.