1. Бош сахифа
2. Янгиликлар

“ОБОД ХОНАДОН”, “ОБОД КЎЧА” ВА “ОБОД МАҲАЛЛА” МЕЗОНЛАРИ АСОСИДА

×

ТЕГИРМОНБОШИ МАҲАЛАСИ ТУБДАН ЎЗГАРАДИ

Давлатимиз раҳбарининг “Республика ҳудудларини тоифаларга ажратиш ва тадбиркорликни қўллаб-қувватлашнинг табақалаштирилган тизимини жорий этиш чора-тадбирлари тўғрисида”ги фармони билан Республикамиз шаҳар ва туманлари 5 та тоифага ажратилди.

Вилоятимизда Ёзёвон ҳамда Сўх туманлари 5-тоифага киритилган.

Президент фармони ижросини таъминлаш мақсадида ҳудудларда 4-, 5-тоифага киритилган туманлардаги қизил тоифадаги маҳаллалар орасидан 1 тадан маҳалла танлаб олиниб, инфратузилмасини тубдан ўзгартириш, обод ва кўркам маҳаллага айлантириш бўйича амалий ишлар бошлаб юборилди.

Вилоятимиз бўйича туманимиздаги Тегирмонбоши МФЙ танлаб олиниб, дастлабки ишлар бошлаб юборилди.

Тегирмонбоши МФЙда Республика ишчи гуруҳи вакиллари иштирокида семинар ташкилланди. Масъуллар маҳаллада амалга оширилиши керак бўлган ишлар ҳақида гапириб, йиғилганларга тушучалар бериб ўтди.

–Тегирмонбоши маҳалласининг барча хонадонларига кириб бориб, уларни қийнаётган муаммо ва камчиликларини аниқлаймиз, – дейди туман ҳокимининг ўринбосари Д.Бекмирзаев. – Аниқланган камчиликларни бартараф этиш чораларини кўрамиз. Маҳаллани мезонларда белгиланган “Обод хонадон”, “Обод кўча” ва “Обод маҳалла”га айлантирамиз.

Семинардан сўнг, ишчи гуруҳ аъзолари ҳамда тумандан бириктирилган вакиллар маҳалла кўчаларини хонадонма-хонадон юриб хатловдан ўтказишни бошлаб юбордилар. Аниқланган муаммо ва камчиликларни бартараф этиш мақсадида штаб тузилиб, иш фаолиятини бошлади.

Тегирмонбоши МФЙ улкан ижобий ўзгаришлар бўсағасида. Маҳаллада амалга оширилаётган ишларни доимо эътиборингизга ҳавола этиб борамиз.

ЁЗЁВОН ТУМАНИ ҲОКИМЛИГИ АХБОРОТ ХИЗМАТИ

Бизни ижтимоий тармоқларда кузатинг
Facebook, Telegram, Twitte, YouTube, Instagram