1. Бош сахифа
2. Янгиликлар

БАРЧА УЙГА СОВҒА БИЛАН ҚАЙТДИ

×

Матбуот ва оммавий ахборот воситалари ходимлари куни Ёзёвонда ҳар доим ўзгача бир шукуҳ, кўтаринкилик билан нишонланади.

   Журналист ва фахрийларни касб байрами билан табриклаш учун туман ҳокими Дилшоджон Джалилов, туман прокурори Илҳомжон Ходжаев, ҳоким ўринбосарлари ва қатор ҳокимият вакиллари ,,Марказий Фарғона" газетаси таҳририятига  ташриф буюрдилар.

Туман ҳокими ва прокурори ҳозирги тезкор пайтда газета ва ижтимоий тармоқларнинг ўрни ва бунда журналистларнинг роли беқиёслигини гапирдилар. Туманимизда рўй бераётган воқеа-ҳодисаларни холислик билан ёритиш борасида Ёзёвон журналистлари фаол эканликларини таъкидлаб ўтдилар. Туманимизда олиб борилаётган имлоҳотларни бутун мамлакатга овоза қилиб, Ёзёвонни танитаётганликлари учун миннатдорчилик билдиришди. Газетанинг 70 йиллигини катта тантана билан нишонланишини айтдилар. Шунинг билан бирга келаётган Қурбон ҳайити билан табриклаб, келгуси ишларга муваффақиятлар тилашди.

“Марказий Фарғона” газетаси бош муҳаррири Азимжон Худойқулов Ёзёвон журналистлари учун қулай шароитлар яратиб бергани учун муассисга миннатдорчилик билдирди.

Сектор раҳбарлари газета ходимлари, матбуот фахрийларининг барчаларига туман ҳокимлигининг қимматбаҳо совғаларини топширдилар. Ёзёвонлик журналистлар, фахрийлар уйларига байрам совғалари билан кириб боришади.

Барча юртдошларимизни кириб келаётган Қурбон ҳайити айёми билан табриклаймиз. Оилангизга тинчлик-хотиржамлик, дастурхонингиздан файзу барака аримаслигини тилаймиз.

  Ёзёвон тумани ҳокимлиги ахборот хизмати.

Бизни ижтимоий тармоқларда кузатинг
Facebook, Telegram, Twitte, YouTube, Instagram