1. Бош сахифа
2. Янгиликлар

ФУҚАРОЛАРГА БУҒДОЙ, СОМОН ВА ТАКРОРИЙ ЭКИН УЧУН ЕРЛАР БЕРИЛМОҚДА

×

"Инсон қадри учун” тамойили асосида одамларни рози қилиш мамлакатимизда амалга оширилаётган ислоҳотларнинг устувор йўналишига айланди.

Туман прокурори, 2-сектор раҳбари Илҳомжон Ходжаев ташаббуси билан Гулистон ММТП ҳудудидаги “Ақраб ойлар дурдонаси“ фермер хўжалигида сектор ҳудудидаги Сойбўйи ва Гулистон маҳалла фуқаролар йиғинидаги 70 нафар “Аёллар дафтари”, “Ёшлар дафтари”, “Темир дафтар”ларга рўйхатга олинган фуқаролар, ишсиз ҳамда эҳтиёжманд оилалар ва фермер хўжалиги аъзоларига 100 кгдан буғдой, 20 тадан сомон ҳамда 20 сотихдан такрорий экин экиш учун буғдойдан бўшаган ер майдонлари ажратиб берилди.

Юртимизда ҳамиша ўзаро меҳр-оқибат, саховат, азалий қадриятларимизни эъзозлаш каби халқимизга хос эзгу фазилатлар улуғланиб келинган. Эҳтиёжманд кишиларни ҳар томонлама қўллаб-қувватлаш, оила ва маҳаллаларда меҳр-оқибат муҳитини мустаҳкамлаш, ёши улуғ инсонларга ғамхўрлик кўрсатишга алоҳида эътибор қаратилган. Бугунги кунда ҳам бу каби эзгу ишлар давом этмоқда.

Хусусан, айни пайтда саховатли фермерларимиз томонидан ҳудудлардаги эҳтиёжманд инсонлар ҳамда хўжалик аъзоларига буғдой, сомон ва такрорий экин экиш учун буғдойдан бўшаган ерлар берилмоқда.

Фермер хўжалиги томонидан мазкур ер майдонлари сомондан тозаланиб, экин экишга тайёрлаб берилди. Фуқароларга такрорий экин учун берилган ерлардан унумли фойдаланиб, яхши маҳсулот етиштириш бўйича тавсиялар берилди.

Бизни ижтимоий тармоқларда кузатинг
Facebook, Telegram, Twitte, YouTube, Instagram