1. Бош сахифа
2. Янгиликлар

ҒАЛЛА – 2023

×

МАРРА САРИ ДАДИЛ

Айни кунларда буғдой ўрим-йиғими авж палласига келди. Туманимиздаги ғалла майдонларида буғдойни нес-нобуд ва исрофгарчиликларга йўл қўймаган ҳолда йиғиб олиш учун комбайнлар, фермерлар ва донга бириктирилган вакиллар тиним билмай ишлашмоқда.

Туман ғалла штабида бўлиб, айни пайтгача йиғиб олинган бошоқли дон ҳақида маълумот олдик.

– Туманимизда 6600 га ер майдонига бошоқли дон экилган, – дейди туман ғалла штаби бошлиғи Дилмурод Мирзаев. – Экилган ер майдонларидан 25400 тонна ғалла режаси бўлиб, бунда давлатга 8778, вақтинчалик сақлашга 7022 ва 7900 тоннаси кластерларга топширилиши белгиланган. 20 июнь ҳолатига 12994 тонна буғдой топширилиб, марра сари илдамламоқдамиз. Ҳозирги кунларда туманимиз фермерлари томонидан бир кунда 1100-1200 тонна бошоқли дон топширилмоқда.

Туманимизда 19 та ўрим отряди бўлиб, уларнинг ҳар бирига масъуллар бириктирилган. Бугунги кунгача ўрим-йиғим мавсумида фаоллик кўрсатаётган 2-отрядда 854, 3-отрядда 1264 ва 14-отрядда эса 827,5 тоннадон буғдой йиғиб олинган. Бу отрядларга раҳбарлик қилаётган Абдулло Умаров, Алишер Рамазонзода, Алишер Тешабоевни эътироф этиш мумкин. Шуни алоҳида таъкидлаш керакки бу отрядларда замонавий “New Holland TC5.90” ва “Вектор” русумли комбайнлари ўришмоқда.

Шунингдек отряд раҳбарларига 3 млн. сўмдан иш ҳақи белгилангани, бундан ташқари илғор отряд раҳбарлари ва ҳайдовчиларга туман раҳбарияти томонидан гиламлар ва қимматбаҳо совғалар берилиши иш унумини кўтаряпти.

Ҳали далаларимизда бошоқли экин майдонлари мўл. Асосий эътибор ғалла ҳосилини нес-нобуд қилмасдан, қисқа муддатларда ўриб-йиғиб олиш, мавжуд техника ва бошқа ресурслардан оқилона фойдаланиб, талон-тарожликка йўл қўймасдан шартномавий режаларни тўлиқ бажарилишини таъминлашга қаратилган.

ЁЗЁВОН ТУМАНИ ҲОКИМЛИГИ АХБОРОТ ХИЗМАТИ

Бизни ижтимоий тармоқларда кузатинг
Facebook, Telegram, Twitte, YouTube, Instagram