1. Бош сахифа
2. Янгиликлар

ЁЗЁВОНДА ҒЎЗА ГУЛЛАДИ

×

   Жорий йилда ёзёвонлик фермерлар 4900 гектар майдонга чигит экиб, 18 минг 400 тонна пахта топшириш бўйича шартнома имзолашган. Ёзёвонда ўз ишининг устаси, иқтисодий бақувват фермер хўжаликлари истаганча топилади. 

 ,, Фар. Зулфиқор" фермер хўжалиги улардан бири. Қоратепа ММТП ҳудудидаги бу хўжаликда 125 гектар майдонда янги С-6575 ғўза нави, 60 гектар майдонда кўпайтириш (линия) учун экилган буғдой парваришланяпти. 10 та техникаси бор. Улардан учтаси чопиқ тракторлари. Дала шийпонига 5 кВли қуёш панели ўрнатилган.  35 гектар майдонга томчилатиб суғоришни ўз маблағлари ҳисобидан қуряпти.

   -- Бу йил пахталаримиз эртанги,-дейди фермер Кибор Ёқубов.--Ўтган йили ғўза 10 июнда гул кўрсатганди. Бу йил 1 июндан гулга кирди.

   Вилоят ҳокими Хайрулло Бозоров туман сектор раҳбарлари билан бирга мазкур фермер хўжалигида бўлиб, ғўза парвариши жараёнлари билан танишди. Фермер билан суҳбатлашди.

  90 схемада экилган ғўза қатор ораларига гектарига 400 килограммдан карбамид минерал ўғити солиниб, биринчи сув қўйиляпти.

  -Бундан буёнги асосий масала ҳосилни ҳашоратга олдирмаслик,-деди вилоят ҳокими.--Ҳар ўн кунда профилактика қилиш керак.

    Вилоят раҳбари фермер ишларига омад тилади.

    Хайрулло Бозоров туманимизда бўлган чоғида янги ишга туширилган ,, Саватча маркет" фаолияти ҳамда жомъе масжид қурилиш жараёнлари билан танишди.

  Ёзёвон тумани ҳокимлиги ахборот хизмати.

Бизни ижтимоий тармоқларда кузатинг
Facebook, Telegram, Twitte, YouTube, Instagram