1. Главная страница
2. Новости

МИНГБУЛОҚ ТАЖРИБАСИ

×

Бир гуруҳ МФЙ раислари билан   Наманган вилояти  Мингбулоқ  туманида  аҳоли  томонидан  балиқ  боқиш  тажрибасини  ўрганиш  учун  борилди.   Мингнбулоқ туман  маҳалла ва нуронийларни  қўллаб-қувватлаш  бўлими бошлиғи   Олимжон Қодиров  ҳамроҳлигида Баланд Гуртепа МФЙдаги  балиқ боқувчи  фуқаро Нажмиддин Қодиров  фаолияти билан танишдик. Нажмиддин Қодиров  маҳалла четидаги  узунлиги 700 метр, эни 3 метрли зовурда  Африка  лаққаси  боқяпти экан. Личинеалари 20-25 сантиметр бўлгунча боқиш  учун  алоҳида  бетон ховуз қурган. 2022 йилда  балиқларни   5-6 кг. гача боқиб, улгуржи нархда 20 минг сўмдан сотиб,  200 миллион сўмдан ортиқ даромад олибди. Ҳозирги кунда  зовурда  боқилаётган балиқлари  2-3  кг. дан бўлган. Бу  йил  бир ярим  миллиард сўм  даромад  олишни мшлжаллаяпти.      Иккинчи балиқчи  Абдумутал Мўминов  ҳам  зовурда  балиқ  боқяпти. Унинг жойи узунлиги  800 метрдан ортиқ, эни  4-5  метрни ташкил қилади. Ўтган йили  300 миллион сўм даромад олган.  У ҳам  личинка боқиш учун алоҳида  бетон  ховуз қурган.    Ҳар иккала балиқ боқиладиган зовурда ер остидан  7-8 метр чуқурликдан  қудуқ кавланган бўлиб,  илиқ  сув  чиқарилган. Бу йилги аномал совуқда ҳам сув музламабди. 
     Мўсожон Охунов,       маҳалла ва нуронийларни қўллаб-қувватлаш туман бўлими бошлиғи.