1. Главная страница
2. Новости

ХОНАДОНЛАРДАГИ ҲОЛАТ БИРМА-БИР ЎРГАНИЛАДИ

×

Туман ҳокимлиги катта мажлислар залида ҳокимнинг 1-ўринбосари Акрамжон Эралиев бошчилигида МФЙларнинг хонадонларида мавжуд муаммоларни ўрганиш ва бартараф этиш юзасидан йиғилиш ўтказилди.
Йиғилишда туман ҳокимининг ўринбосарлари, ташкилот, корхона раҳбарлари ҳамда МФЙ раислари иштирок этдилар.
– Маҳалладаги бешлик ҳамда туман штабидан бириктирилган вакил ҳудудидаги хонадонларга кириб, оиланинг ҳақиқий аҳволини ўрганиши керак, – деди А.Эралиев. – Аниқланган муаммоларни мувофиқлаштириб борувчи туман штабига тақдим этган ҳолда, бартараф этиш чоралари кўриб борилади.
Шунингдек, йиғилишда хонадонларнинг куз-қиш мавсумини беталофат ўтказиши, иситиш тизимларини қоидаларга риоя этган ҳолда ишлатиш бўйича тушунчалар бериш кераклиги таъкидланди.
Вакиллар хонадонларни ўрганиш давомида республикамизнинг турли ҳудудларида болаларнинг нобуд бўлишига сабаб бўлган “Док-1 МАКС” дорисини аҳоли хонадонида бор ёки йўқлигини аниқлаб, яна ҳукумат томонидан тақиқланган бир қанча дори воситалари (юқорида номлари зикр этилган) нинг фойдаланмасликлари ҳақида огоҳлантиришлари сўралди. 

Раҳматилло ШОДМОНОВ.

ЁЗЁВОН ТУМАНИ ҲОКИМЛИГИ АХБОРОТ ХИЗМАТИ