Обращения юридических и физических лиц поступившие через веб сайт
Всего обращений: 38Статистика телефон доверия
МЕҲР ВА ЭЪТИБОРНИ ҳис қилиб яшамоқдалар
2021-05-08 16:20:10 614
Хотира ва қадрлаш байрамининг бу сафарги шиори бежиз “Эътибор ва ғамхўрлик – инсоний бурч” танланганини байрам олди тадбирларида кўряпмиз, биляпмиз.
Туманимиздаги ягона II жахон уруши қатнашчиси Маҳмуджон ота Тешабоев, 64 нафар меҳнат фронти фахрийлари Президентимиз, давлатимиз ва халқимизнинг меҳр-эътиборини ҳис қилишяпти.
Маҳмуджон ота хонадонига вилоят ҳокимлиги, вилоят бошқармалари, туман ҳокимлиги, ташкилот ва муассасалар, мактаб ва боғча вакилларининг қадами узулгани йўқ.
Мана, бугун туман ҳокими Д.Джалилов ўринбосарлари, сектор раҳбарлари 64 нафар меҳнат фронти фахрийларига озиқ-овқат маҳсулотларини тарқатдилар.
Ижодкор маҳалласида яшовчи Қозоқбой ва Зарбуви Баҳромовларнинг ёшлари тўқсондан ўтган. Бу тадбирлар умр бўйи жамоа чорвасини боқишган. Отахон дориламон кунларга етказганига, раҳбарларимизга фахрийларга эътибордан хурсанд бўлиб, узоқ дуо қилди.
Қотортол маҳалласидан Энахон Маматова 101 ёшда. Уруш қатнашчиси Қодирали маматовнинг беваси. Онахон набира-чеваралар қуршовида. Кўз тегмасин, тетик.
Ҳа, бу отахон ва онахонлар табаррук. Бундай уруш азобини тортган инсонларга эътибор ва ғамхўрлик инсоний бурчдир.
ЁЗЁВОН ТУМАНИ ҲОКИМЛИГИ АХБОРОТ ХИЗМАТИ
