Farg‘ona tumani axborot-kutubxona markazi xodimlari tomonidan tumandagi 3-son Davlat maktabgacha ta‘lim tashkiloti (DMTT) katta guruh tarbiyalanuvchilari bilan "Bola quvonchi — olam quvonchi" loyihasi doirasida "Ertaklar yaxshilikka etaklar" mavzusida davra suhbati tashkil etildi.

Mazkur uchrashuvda jajji bolajonlar kattalar tomonidan aytilgan ertaklarni eslab, ularni samimiyat bilan so‘zlab berdilar. Jumladan, “Qizil qalpoqcha”, “Zumrad va Qimmat”, “Bo‘g‘irsoq” kabi xalq va adabiy ertaklar bolalar tilidan yangradi.

Tadbir davomida bolajonlar ertak qahramonlari orqali yaxshilik va yomonlikni ajratish, ezgulik sari intilish kabi muhim hayotiy tushunchalarni o‘zlashtirdilar.