Farg‘ona tumani, “Bo‘ston” mahalla fuqarolar yig‘inidan elektr ta‘minoti bilan bog‘liq muammo yuzasidan yo‘llangan murojaat joyida ko‘rib chiqildi va ijobiy hal etilmoqda.
Mazkur murojaat asosida mutaxassislar tomonidan hududda yangi elektr uzatish tarmog‘i uchun kabel tortish ishlari olib borilmoqda. Bu esa, mahalla aholisining elektr ta‘minotida yuzaga kelgan uzilishlar va kuchlanish muammolarini bartaraf etishga xizmat qiladi.
Aholining murojaatlari asosida amalga oshirilayotgan ushbu ishlar fuqarolarning yashash sharoitini yanada yaxshilash va ularning ijtimoiy infratuzilmaga bo‘lgan ehtiyojlarini qondirishga qaratilgan.