Farg‘ona viloyati hokimining 2025-yil 5-iyuldagi 384-01-50-sonli qarori ijrosini ta‘minlash maqsadida, Farg‘ona tumani "O‘rta qishloq" mahalla fuqarolar yig‘inida Farg‘ona tumani hokimining birinchi o‘rinbosari Otabek Abdurahimov ishtirokida sayyor qabullar o‘tkazildi.

Sayyor qabul davomida fuqarolar tomonidan 12 ta murojaat qabul qilinib, 3 ta murojaat joyida ijobiy hal etildi, 2 ta murojaat yuzasidan huquqiy tushuntirishlar berildi. Qolgan, muddat talab etuvchi 7 ta murojaat mas‘ul tashkilotlarga yo‘naltirilib, ijrosi nazoratga olindi.

Shuningdek, qabul davomida korxona va tashkilot rahbarlarining ham shaxsiy qabullari o‘tkazildi. Ushbu tadbirlar aholining mahalliy hokimliklar bilan aloqasini mustahkamlash, ularning muammolarini hal etishda tezkorlikni ta‘minlash va hududlarni rivojlantirishga qaratilgan.