Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Секторлар фаолиятидан
2020-09-14 09:38:04 761
АЛОҲИДА НАЗОРАТГА ОЛИНДИ
Қоратепа МФЙ биносида 3-сектор раҳбари, туман ИИБ бошлиғи, подполковник Х.Ташпўлатов раҳбарлигида сайёр қабул ўтказилди.
Сайёр қабулда туман мудофаа ишлари бўлими бошлиғи, подполковник К.Норматов, Бош вазир қабулхонаси мудири Ш.Маматқулов, МФЙ раиси ўринбосарлари, 26 нафар фуқаролар иштирок этишди.
Сайёр қабул давомида 9 нафар фуқаролардан 11 та масалаларда мурожаатлар келиб тушди.
Жумладан, Қоратепа МФЙда яшовчи фуқаролар Турсунали Жўраев Қоратепа МФЙ ҳудудига газ балонлари ўз вақтида тарқатилмаётганлиги, Зафар Мадаминов Тафаккур кўчасига симёғоч ўрнатиш, ичимлик суви тармоғи тортиш, Соҳиба Халилова яшаш хонадони устидан юқори кучланишдаги электр тармоғи ўтганлиги, яшаш учун хавфлилиги учун ушбу тармоқни кўчириш, Аббос Исроилов Тафаккур ва Ифтихор кўчалари кесишмасига светафор ўрнатиш, Худоберди Абдураҳмонов Тафаккур кўчасида жойлашган, қаровсиз ётган сув хўжалиги биносини тадбиркорлик қилиш учун ажратиб бериш, Абдусаттор Ғофуров Тафаккур кўчасидаги кўмирхоналар олдидан ўтган ичимлик суви тармоғи ёрилиши натижасида асфальтга зиён етказаётганлиги, Алижон Эгамов Тафаккур кўчасини 500 метр масофасини асфальтлаштириш масаласида мурожаатлар қилдилар.
Сайёр қабулда келиб тушган мурожаатларда белгиланган масалаларни бартараф этишда қўшимча вақт талаб этилганлиги сабабли, аниқ муддат белгиланди. Тегишли корхона ва ташкилот раҳбарларига топшириқлар берилди ҳамда 3-сектор раҳбари томонидан алоҳида назоратга олинди.