Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
МАТБУОТ АНЖУМАНИ
2020-10-07 16:24:41 654
Халқ депутатлари Ёзёвон тумани Кенгашининг ўн бешинчи сессиясидан сўнг оммавий ахборот воситалари ходимлари ҳамда блогерлар учун матбуот анжумани ўтказилди.
Матбуот анжуманини туман ҳокимлиги ахборот хизмати раҳбари А.Худойқулов қисқача кириш сўзи билан очди. Сўнг савол-жавоблар бошланди.
Блогер Усмон Қодиров:
– Ёзёвон туманида қишлоқ хўжалиги борасида ўзига хос мактаб яратилган. Пахтачиликда томчилатиб суғориш технологияси кириб келди. Туманда бу борада қандай ишлар амалга ошириляпти?
Туман ҳокими Й.Бойигитов:
– 2020 йилда бешта фермер хўжалигининг 340 гектар пахта майдонида томчилатиб суғориш технологияси асосида ҳосил етиштирилди. Натижа ёмон эмас. Хосилдорлик 40 центнерга боряпти. 2021 йилда томчилатиб суғориладиган майдонни 1000 гектарга етказамиз.
Исҳоқжон Каримов – “Марказий Фарғона” газетаси бўлим мудири.
– Ёзёвон балиқчиликка ихтисослашган туман. Лекин тирик балиқ сотадиган дўкон йўқ.
– Деҳқон бозорида тирик балиқ сотувини ташкил қилгандик. Натижаси яхши бўлмади. Бизда балиқхоналар кўп. Халқимиз тайёр пиширилган балиққа ўрганган. Агар зарурат бўлса, балиқ дўконини очиш муаммо эмас, –деди туман ҳокими.
И.Каримов: – Туман марказида пиёдалар йўлагини “Дамас” ва бошқа машиналар банд қилиб олади. Автотураргоҳ муаммоси қачон ҳал бўлади?
– Деҳқон бозори орқасида автобус ва “Дамас”лар учун автотураргоҳ тайёр –деди туман ИИБ бошлиғи Ҳ.Тошпўлатов. –Автотураргоҳга борувчи йўллар асфальтланган. Яқин кунларда ишга тушади.
Келгусида ҳам шундай матбуот анжумани ва брифинглар ўтказишга келишиб олинди.
